Sveinn Ragnarsson flytur annálinn á þorrablótinu á Reykhólum.

Alltaf er jafngaman að sjá fullan sal af svona hressu og skemmtilegu fólki. Ég hef svo oft staðið í þessum sporum að ég er eiginlega orðinn uppiskroppa með inngangsorð. Samt er rétt að geta þess að engin rök ráða því hvað fjallað verður um í þessum pistli, aðeins geðþótti og innræti þeirra sem að komu. Þetta verður venju fremur samhengislaust og sundurslitið, það verður fléttað inn atriðum og fíflagangi - eða eins og Ingvar sagði og var ekkert að flækja málið: Nú verður fluttur annáll.

Fylgið við Ólaf er ennþá að rokka og róla. / Um raunsönn afdrifin höfum við stabílan grun. / Þó styðja hann drýgst þeir sem droppuðu út úr skóla / og duttu á höfuðið mánuðinn fyrir hrun.

Jón Atli Játvarðarson.

Með frétt um styrk til endursmíði bátsins forna sem fannst í kumli í Vatnsdal við Patreksfjörð er teikning af „legu rónaglanna“. Eitthvað hefur Jóni Atla Játvarðarsyni farið svipað við lesturinn og þegar útvarpsþulur misskildi (eða skildi alls ekki) orðið ístruflanir, sagði ístru-flanir og steinþagnaði svo í miðri setningu áður en hann hélt áfram lestri fréttar um truflanir í virkjun vegna ísreks.

Marhnútur gapir í síðasta sinn.

Jóni Atla Játvarðarsyni á Reykhólum verða ósjaldan vísur á munni í þangslættinum - eiginlega eins og þær komi sjálfkrafa og ekki alltaf samhengi á milli fyrriparts og seinniparts. Þannig er um eftirfarandi aftursetta hringhendu þar sem seinni parturinn varð til á undan fyrripartinum, líkt og algengt er. Smáfiskar á borð við marhnúta og sprettfiska leynast í þangi og bíður þeirra oft beisklegur aldurtili við störf þangveiðimanna Þörungaverksmiðjunnar.

Jóni Atla Játvarðarsyni á Reykhólum ratast iðulega vísa á vör eftir því sem þjóðmálum vindur fram. Hann var við þangskurð í Kerlingarfirði þegar þing var sett á liðnu hausti og nefndi þær Jóhönnu Sigurðardóttur og Álfheiði Ingadóttur eftir gyðjum að venju.

Þann mæta mann Eystein G. Gíslason í Skáleyjum hef ég þekkt frá barnæsku. Hann er ótrúlega fjölhæfur og er einn af okkar bestu hagyrðingum og á vel skilið að bera heitið skáld. Hann sat um árabil í stjórn Samtaka selabænda og var þar, sem annars staðar, mikils metinn. Nú þegar elli kerling sækir hann heim, þá finnst mér vel við hæfi að reynt sé að halda til haga vísum hans og ljóðum, ásamt öðru efni sem hann stóð að.

Játvarður Jökull Júlíusson. Málverk: Gunnar Ingibergur Guðjónsson 1974.

Höfundur:
Játvarður Jökull Júlíusson á Miðjanesi í Reykhólasveit

Á Reykhólum höfnin er herleg, / þar hafskipa fjölsótt er þing. / Hver fleytan er blátt áfram ferleg / og fjörugt er lífið í kring.

Ég skal þeirra geta að góðu / og geta um hvert fyrir sig / með nafni, en númerin vantar, / og nú ber að hlusta á mig.

Ingvar Samúelsson.

Menningin stóð í blóma í Reykhólahreppi á liðnu ári. Gallerí Gylfi í Króksfjarðarnesi var vettvangur auglýsingamyndar fyrir BMW Mini, þar sem hálf sveitin mætti í tökur í heila fimm daga. Fáeinum sást bregða fyrir í fáeinar sekúndur þegar auglýsingin loksins birtist – Sollu í leikfélaginu, hundinum Toppi sem er starfsmaður í Gallerí Gylfa, Jóni á Gróustöðum og Indu á Reykhólum. Partur í franska mynd var tekinn upp við Staðarbryggju og í landi Árbæjar. Svo vel hittist á, að suðvestan hávaðarok og rigning dundu á mannskapnum allan tímann sem tökur stóðu yfir. Hjólhýsi var tekið á leigu fyrir aðalleikarana og fauk ekki.

Konan ...

... og karlinn.

Eysteinn G. Gíslason (myndin er tekin 1998).

« 1 af 3 »

Umsjónarmaður þessa vefjar hefur komist yfir ljósrit af handskrifuðu blaði með vísum og skýringum eftir Eystein G. Gíslason (betur þekktur sem Eysteinn í Skáleyjum) með yfirskriftinni Myndlist og ljóðlist í stigagangi í Barmahlíð veturinn '05-'06. Ljósritið er á tveimur blöðum en á því fyrra stendur neðst snú þannig að upprunalega blaðið hefur verið eitt. Undirritunin er E.G.G. og staðfestir Jóhannes Geir bróðir Eysteins að þetta sé vissulega rithönd hans þó að hann tali þarna um sjálfan sig í þriðju persónu. Neðst á síðara blaðinu (bakhliðinni) undir aðgreiningarstriki er vísa sem tengist ekki efninu að öðru leyti en því, að þar er líka um mynd að ræða.

Eysteinn á bátnum Kára árið 1986.

Eysteinn staddur í Drangey á Skagafirði árið 1998.

« 1 af 2 »

Eysteinn G. Gíslason (Eysteinn í Skáleyjum) er núna orðinn aldraður og hættur að yrkja. Hann fékk leikandi hagmælsku í vöggugjöf og bæði lausavísurnar hans og limrurnar flugu víða. Eysteinn var bóndi og ekki síst hlunnindabóndi í Skáleyjum á Breiðafirði en líka var hann kennari á Flateyri um árabil.