Við kvöddum þær Indu, Steinu, Maríu Rós og Birgittu (hún hættir samt ekki fyrr en í sumar) þriðjudaginn 2. júní og þökkum þeim vel unnin störf. Það er alltaf missir fyrir skólann þegar reynsluboltar hætta en við óskum þeim öllum velfarnaðar í þeirra næstu ævintýrum.
Skólaslit Reykhólaskóla 2020 voru þann 28. maí síðastliðinn. Margt var um manninn eins og má sjá á meðfylgjandi myndum. Einhverjar breytingar verða hjá okkur næsta vetur eins og oft vill verða á milli ára en við kveðjum nokkra starfsmenn með söknuði sem hafa margir hverjir unnið við skólann í tugi ára. Inda okkar allra sem hefur verið hjá okkur næstum því alltaf, ætlar að fara að njóta þess að vera í fríi og bara að hugsa um skepnurnar sínar og hún Steina okkar Rasmus ætlar einnig að hætta eftir marga tugi í starfi hjá okkur og fara að hafa það náðugt og einnig kveðjum við hana Hönnu okkar og þökkum við þeim öllum kærlega fyrir óeigingjarnt starf. Þær hafa allar sett sitt fingrafar á starf Reykhólaskóla.
María Rós sem var hjá okkur í vetur hverfur að öðrum verkefnum í vetur og við krossum putta um að hún komi aftur til okkar síðar. Sjöfn og Hafrós sem voru í grunnskólanum í vetur verða annars vegar í félagsstarfinu og ´í leikskólanum. Við sjáum einnig á eftir Birgittu okkar úr leikskólanum og óskum við henni velfarnaðar á nýjum slóðum um leið og við þökkum henni vel unnin störf og þeim öllum.
Skólaslit Reykhólaskóla verða í Reykhólakirkju fimmtudaginn 28. maí klukkan 15. Búið er að senda póst með nánari upplýsingum.
Reykhólaskóla barst höfðingleg gjöf á dögunum frá EM orku sem stendur að baki fyrirhugaða Vindorkuverinu í Garpsdal. Ríkarður Örn Ragnarsson, verkefnastjóri hjá EM orku kom og færði skólanum 15 Ipada. Þetta mun breyta mjög miklu fyrir nemendur, bæði vegna fjarnáms vegna óveðurs eða annarra atburða sem koma í veg fyrir skólasókn en hjápar okkur einnig til að stíga skref inn í heim upplýsingamenntar og samþættingu við aðrar námsgreinar. Við í Reykhólaskóla þökkum innilega fyrir okkur.
