Stjórn hjúkrunarheimilisins Barmahlíðar

Fundur í stjórn Barmahlíðar.

Fimmtudaginn 6. júní 2023 kl. 13.00

Fundarstaður: Stjórnsýsluhúsið, Maríutröð 5a, Reykhólum.

Mætt: Árný Huld Haraldsdóttir, Margrét Dögg Sigurbjörnsdóttir, Vilberg Þráinsson.

Einnig sátu fundinn Steinunn Agnarsdóttir hjúkrunarforstjóri og Ingibjörg Birna Erlingsdóttir sveitarstjóri.

Gestir á fundinum voru fulltrúar frá stjórn Silfurtúns og sveitarstjóri Dalabyggðar.

 

Fundargerðin er rituð í tölvu og er 2 blaðsíður.

Árný Huld bauð fólk velkomið og spurði eftir öðrum málum á dagskrá, eitt mál barst og var samþykkt að taka það til afgreiðslu undir önnur mál. Þá var gengið til dagskrár.

Dagskrá:

Mál til afgreiðslu:

1.   Stjórnin skiptir með sér verkum.

Árný Huld Haraldsdóttir kjörin formaður nefndarinnar og Margrét Dögg Sigurbjörnsdóttir kjörin varaformaður. Samþykkt samhljóða.

2.   Tilboð í kaup á sérútbúnum hjólastólabíl.

Lagt er fyrir stjórn tilboð aðila til Barmahlíðar um kaup á sérútbúinni bifreið.

 

Nefndin leggur til við sveitarstjórn að skoðað verði hvort bifreiðin henti Barmahlíð. Hjúkrunarforstjóri kortleggi þörfina fyrir heimilið. Samþykkt samhljóða.

 

3.    Staða Barmahlíðar.

Hjúkrunarforstjóri fór yfir stöðuna á heiminu.

 

Staða sumarsins er góð hvað varðar mönnun.

Nýting rýma er góð og var heimilið fullnýtt síðasta ár. Til stendur nokkurt viðhald á þessu ári á herbergjum og matsal.

Önnur mál:

4.   Úthlutnarreglur íbúða í Barmahlíð.

Lögð er fram tillaga frá húsnæðisnefnd hvort tilefni sé til þess að breyta úthlutunarreglum vegna íbúða í Barmahlíð sem tilheyra Leigufélaginu en starfsfólk Barmahlíðar og aldraðir hafa forgang að.

Stjórnin leggur til að 7. gr. reglnanna verði eftirfarandi;

Núverandi texti.

Íbúðir á Hjúkrunar- og dvalarheimilinu Barmahlíð, eru leiguíbúðir ætlaðar starfsfólki

hjúkrunarheimilisins og öldruðum. Forgang að leiguíbúðum hafa starfsmenn þessara stofnana og aldraðir sem hafa náð 60 ára aldri og eiga lögheimili í Reykhólahreppi.

Tillaga að breyttum texta.

Íbúðir á Hjúkrunar- og dvalarheimilinu Barmahlíð, eru leiguíbúðir ætlaðar starfsfólki

sem starfar innan Barmahlíðar og öldruðum. Forgang að leiguíbúðum hafa starfsmenn þessara stofnana og aldraðir sem hafa náð 60 ára aldri og eiga lögheimili í Reykhólahreppi. Taka skal tillit til mönnunar á Hjúkrunar- og dvalarheimilinu.

Samþykkt samhljóða.

Farið yfir fundargerð, fundi slitið kl. 14.00

Fundargerð undirrituð með rafrænni undirritun.