3. raðhúsið á árinu risið á Reykhólum

Nú fyrir skömmu var reist 3. raðhúsið sem áformað var að byggja á þessu ári á Reykhólum. Það er Brák íbúðafélag sem byggir þetta hús.

Þá eru komin upp öll húsin sem ákveðið var að ráðast í að byggja að þessu sinni, auk þeirra var flutt á staðinn lítið tilbúið hús, sem áformað er að byggja við síðar.

Alls munu því 13 íbúðir bætast við á Reykhólum og þarf að fara hálfa öld aftur í tímann til að sjá viðlíka uppbyggingu íbúða, en árin 1975-6 voru byggð 11 einbýlishús.

Mynd síðan í júní s.l. svipað sjónarhorn og á forsíðumyndinni.

 Húsið hennar Natöschu Harsch, jólatré og allt.