Árný Huld íbúi ársins

Á nýliðnum Reykhóladögum hlaut Árný Huld Haraldsdóttir bóndi á Bakka titilinn íbúi ársins.

Það er orðin hefð að útnefna íbúa ársins á Reykhóladögum og ríkir alltaf nokkur spenna að vita hver muni vera hlutskarpastur. Árný hefur verið ötul að vinna í þágu samfélagsins með setu í sveitarstjórn og nefndum, einnig er hún mjög virk í ýmiskonar félagsstarfi. Henni eru færðar hamingjuóskir af þessu tilefni.